mar hadii jacaylkii
intuu jidiinka kaa xidhay
uu jabin karkaarihii
sida aar jibaaxoo
cidlo jaar ku noqoteen
socod ruux jarmood
jidsan qaaday waligii
ma jiraa aduunyada
miyuu xadhiga juuqluhu
isu jiidi karayaa
laba meel fog kala jira
mar haduu jiheeyuhu
ka lumo jidkaaga
jaah-wareerna kugu dhaco
xageebaad u jeedaa
kuu jiitay caashaqu
u jaraysay geenyada
adigoon jiboonayn
nafta aan jujuubayn
caashaqaaga jaarka le
u samayso jaal kale
waa jiraa jacaylkee
jarka laaca aragtoo
adigoo jaleecada
ha ku jarin naftaadee
jawi aanad garanayn
mar hadii jidhkaygii
iyo jaaha aragtidu
kaasoo hor jeesteen
kuu juuqii maayoo
xididada jidhkaygiyo
unugyada ma joogtide
kaa jaray naftaydee