Hablaha dunidan dhex jooga
Adaa dhul dahab u muuqsan
Dhabtii waxaad tahay hormuudka
Dhamaan ku daydaan faceedu
Dhamaysbaad tahay nasraay
Dhaliil maba lihid xumaan
Dhigaabaad u tahay haldoor
Dhabeelbaad tahay qurxuda
Gobiyo dhaladkii qarniga
Dhanbaaladu way xuseen
RABINA u dhameeyay sharaf
Dhaayihii ku arkaa qancee
Dhibaato ha mudan nasraay
Dhildhilan qorqornidiyo jooga
Dhexdaada qiyaasan muuqa
Dhalaal wacaneey hanaanka
Waxaad tahay dheeman dumar
Sidaad ugu dhaadato guusha
Gobaad tahay himilo dheer
RAXMAAN kuma kala dhantaalo