Dhagar Qabe
Anigoo dhallaanoo
qalbigana ka dhimanoo
dhaayaha wax ka arkin
Arladaba dhamaanteed
dhalanteed igaga jiro
dhaxalkii adowgeey
Intaan dharaar qubay
dheydii haraatiyey
ma u dhiibay dumaroo
taladeyda carantay
dhootin ma isku dhaliyoo
meel xun anigu ma is dhigay
Dhada roob ma noqoto
biyo lagama dhaansho
dhoobo lagama buuxshee
Nimey talladu dhaaftiyo
nin laf dheer ka kala jabay
labaduba dhantaalmee
Aniga ka dhiganoo
dhinacey gantaala
dhagama xun iyo ceebiyo
hurdin ma isku dhaliyo
meel xun aniga ma is dhigay
Dhagar qabe abeesiyo
bahal lama dhunkade
dhabta luguma qaatee
Haweenka ka dhiganoo
ninki dhinaca saara
ka higleeya dhiigee
Anigey igu dhex tuureen
dhamac iyo dab shidanoo
qeyrkey i dhaafoo