Inanyahaw dhigaagaba
Kuma arag dhulkoo idil
Sidaad iigu dheertahay
Ruuxaan ku garab dhigo
Dheeftana ma cuni karo
Hadii aanan dhaayaha
Dharaar qudha ku saarine
Alloow aynaan kala dhiman
Aynu laba is dhawrtoo
Dhaqasho iyo guuriyo
Nolol wada dhadhamiyo
Isu dhiganta noqonee
Dhinacaaga ila qabo
Intaa nolol ku dhaqan baan
Dheeman kaa dhex doortoo
Sida dhibaca roobaad
Dhaayaha uu roontee
Halbawlahayga dhiigiyo
Xididada dhamaantood
Adigaa dhex qaadoo
Qalbigaad ku dhigantee
Aynu laba is dhawrtoo
Dhaqasho iyo guuriyo
Nolol wada dhadhamiyo
Isu dhiganta noqonee
Dhinacaaga ila qabo
Jacayl aan dhacayn galin
Xumaantana ka dhawrsoon
Dhuuxiyo lafaha galay
Ayaa igu dhamaadoo
Dhab ahaan waxaa tahay
Ruuxaan ku dhaatee
Iga filo dhankaygana
Inaan dhawro sharaftana
Aynu laba is dhawrtoo
Dhaqasho iyo guuriyo
Nolol wada dhadhamiyo
Isu dhiganta noqonee
Dhinacaaga ila qabo
Hadii reer dhismayntii
U hagaajo dhidibada
Laba dheeli tirayaa
Markay dhab u heshiiyaan
Qalbi dhaawac qabi jiray
Markuu helay dhigiisii
Ileen dhay sidii buu
U dhamaa jacaylkee
Aynu laba is dhawrtoo
Dhaqasho iyo guuriyo
Nolol wada dhadhamiyo
Isu dhiganta noqonee
Dhinacaaga ila qabo