markay igu dhalatay
inaan dhoofo
oon tago dhulkaygee
mudo dheer aanan
saarin dhaayaha
farxadaan dhamaanayn
aanay jirin wax loo dhigo
baa la igu soo dhaweeyee
shacabkuna dhankoodii
dhanbaaliyo salaan
kalgacayl ku dhiganyahay
dhamaantood u dirayaa
wax se dheeriyaa jira
oo ani dhankayga ah
dhayal maaha hadalkuye
dhabuu iiga soo go'ay
igu dheere ruuxuye
naftu ka dhamaadee
waxaan dhaar ku marayaa
wax dhibaato kugu wada
inaan kugu dhawran aniguye
dhib wixii ku soo maray
suugaan aan dhamaanban
daawo kaaga dhigayaa
waxse dheeriyoo jira
oo ani dhankayga ah
arimahaas dhexdooda
barshadii ka dhalatiyo
igu dheere ruuxuye
naftu kama dharagsee