hayga roobka iyo
malab xabag barshooy
waa xarede jidhkaagu xariirsanaa
xididada jidhkayga kuu xeeraniyo
xubi galisayoo xiisahaaga i dilay
xidigtaan haweenka kasoo xushaa
xabadka iyo laabta makugu xidhaa
sida xiidka habeenkii xabeebtayoo
soma xero galoo hurdo kuma xasilo
xiliyada hurdada ku xasuustayoo
xubno quruxsanoow xiisahaaga i dilay
xubin geela iyo faras xamara iyo
xiin fiiniin baan bixine kaalay xilo janooy
xoolo iyo anoon hanti kugu xidhayn
waa xaqiiqoo naftayda anaa kuu xukumay
sida xadiiska loo xergeeya ee
xidhka loo daajiyaa kuu xanaanaynayaa
ana waxaan xafidi xogta guriga oo
maatidaad i xilsaartaybaan xanaanaynayaa
xiliyada hurdada ku xasuustayoo
xubno quruxsanoow xiisahaaga idilay