Heesta Guhaad - Lyrics
gu'yaal gocoshadaada
gafbay tahay hibashadoodu
garaadku inuu xasuustee
garasho nafyahay bal yeelo
garwaaqsoo go'aana qaado
gabdhaha midaan haybinaayay
haweenkaba taan ka goobeey
gayaan midii aan ka doortay
guulahay miduu iigu deeqay
haday garabkayga joogto
inaan gees kaleeto eego
godob iyo waa dhib wayne
damiirka nafyay gaboodso
iimaha guracana ka gaabso
xilkaaga intaad gudayso
danaha rasmiyeey gudoonso
wixii galbadee ku dhaafay
inaad goobto ood ku daasho
gardariyo waa dhibkaagee
naftaydaay maan gargaarso
guhaad iyo ciil ka rayso
gayaanka midaan ciseeyay
midaan gaar uga jeclaaday
inaan gacalooy idhaahdo
midaan kaligeed gorfaystay